男人，你可以無錢，無樣，無頭髮，但你不可以無...
香港電台在06年，委託香港城市大學社會科學部進行的調查，訪問了500名由25到45歲的女性，了解香港男子最惹女性討厭的10大事項。令最多女性討厭的香港男性特質不是「無錢」，「無錢」只排第6 ( 有26%的受訪者討厭這特質 )，可見，現代職業女性心目中的理想男性，財富不是那麼重要。最多女性討厭的原來是「無主見」，佔53%，其次是「偷食」，佔49%；第三是「沒出息」，佔49%。
一個只顧賺錢而無時間聽我講東講西，呻呻工作和生活上感受的男人，令我拍拖都如同一人孤身作戰，倒不如各行各路好了！
一個(看起來)其貎不揚的男生，只要心地善良，用心待我好，也可以是好男人，不一定要靚仔到天上有地下無，才可以發展
頭髮是男生的尊嚴．要是有天你出現地中海，bar code頭，其實都不太影響你的樣子 - 只要你肯剃晒d頭髮走型格路線的話
由得女生決定去邊食飯，不是紳士表現，而是男生根本無-主-見！(明知女生怕肥，仲提議去牡丹樓，肯德雞，那些不是有建設性的提議！)
連去邊食飯都下不到決定，叫女生點敢跟你一世呀？
3 comments:
記得某電台節目的promo是這樣的:
男:「去邊度食飯好?」
女:「你揀啦!」
男:「咁不如...」
女:「我唔要食這樣, 唔食那樣, 想要這樣, 想要那樣...都係你揀啦!」
男:「...」
有時作出選擇, 或是提出選擇, 都唔係咁易...
我又聽過朋友講, 跟女生食飯, 先提出三個建議, 如果對方都否決, 便可大條道理地踢返個波比對方: 講乜你都ban, 咁你決定喇! :p
不過對方可能都係答....無所謂啦~ 那時只可會諗到一個字....
Post a Comment