揀男仔

轉載自這裡:

朋友Y介紹未婚夫俾老婆同我識。朋友Y既年紀俾我細幾年，而佢呢位未婚夫，以年紀黎講，勉強都可以做到我老豆。

類似既事情發生響我一d比較熟既朋友身上，係最近既第二次。

我無意對「老夫少妻」有任何歧視，事實上即使兩個人既年紀相距二十年，亦唔代表大家一定會有問題。我只係覺得，市面上呢一類咁既combination，數量比我想像中多。

聽過唔少女性朋友話，香港地後生既男仔太過幼稚，太過唔識照顧人，個人能力又低。要揀做終生伴侶，揀唔落手。於是乎佢地尋尋覓覓，搵到一個心智成熟又懂得照顧另一半，又有經濟基礎既男人可以付託終生，唯一既缺點係…老囉。(如果呢個係缺點的話)

香港地後生既男仔係咪真係咁差？我唔敢講，不過我諗，後生仔未經啄磨，事業上既成就亦未有咁快成形，要響一眾年青而又未婚既男仔當中，揀中一粒明日之星俾自 己，風險太大掛。於是女仕們把心一橫，索性揀一個以經見到「結果」既現成男人做伴侶，風險會變得細一d？情況好似買樓咁，買樓花唔穩陣，所以寧願買「二手」現樓，樓齡舊就舊d，但勝在有板睇，夠安全感？

我又諗，如果你硬要將一個只係做左七、八年野，三十左右既「後生仔」，同一個飽歷滄桑既人比較心智成熟既程度，同一個響商業社會上奮鬥左三十幾年既人比較事業上既成就，其實我覺得並唔係太過公平。個「後生仔」響此時此刻，真係冇乜可能鬥得贏架喎…

查實認識一個年紀做得自己阿爸既「新朋友」，總覺得，有一點尷尬同唔多自在。

*****
的確，現在的男生較上一代遲熟，因為父母的保護期延長，不需要擔起頭家，自然不明白什麼是責任，更遑論給女生安全感了。三十來歲的男生仍如廿來歲的小伙子，叫女生怎敢把自己的一生付託給一位長不大的男生呢？

女生一係如上文，找一個年紀大過自己一截的男人當老公，但對女生和他們的下一代都不是好事，因為生了小朋友後，男人仲有氣力照顧嗎？跟小孩子一起跑嗎？而且，要是雙方都身體壯健，男方好有可能比女方早死，雙方未必能終生。

女生另一個選擇是鍛練自己的眼光，猶如揀玉一樣，從一眾如同璞玉的男生中，挑一個有機會成為美玉的男生。不過，這需要獨到的眼光，而且是長線投資，無返十幾廿年都唔得自己是否買對了。但係不用怕，玉是愈戴愈靚㗎！哈哈！

個人有幾個「揀玉」的秘訣：

1. 觀察他如何對待父母：如果對老人家有禮，肯照顧他們，這些男人衰極有限
2. 看看怎樣面對逆境和批評：發難渣？指責別人？不承擔錯誤？一蹶不振？意見接受、態度照舊？抑或找方法解決問題，積極改變？
3. 留意他不站在人前時的表現：如果他在無乜人見到時，都行為端正，可見他可能是一個表裡如一的正人君子
   

要揀一件「正玉」是需要時間的，而且不一定係打磨好的玉才是美玉，何況一睇便知是靚玉的男生好搶手㗎！又貴喎！你比唔比得起錢先？倒不如用藍海戰術，在璞玉中用心發掘，話唔埋你夠眼光，可能隨時以低價買入一件靚玉！

姐妹們，用心睇清楚喇！

PS: 其實璞玉同石頭週街都係，不過我地未必識分，所以先要落足眼力