第三者

揮別錯的才能跟對的相逢

*****
作為朋友, 絕對不想見到你因為愛一個不該愛的人而害苦了自己

請你別再相信"我同她沒有感情了, 好快會跟你一起", "如果唔係為o左d仔女, 我唔會同她一起", "我會同她講的, 請比d時間我"這些空頭支票。你答應他, 等於告訴他無需離開原來那一個, 便可以得到你--既然你已經在手, 他又何必要趕一趟混水? 看起來他兩邊都沒有辜負, 但實情是傷了兩個女人. 說穿了, 他只愛自己, 只想自己享齊人之福, 卻沒有想過你的青春和幸福, 這應該是愛一個人的表現嗎? 今天他可以這樣對那一位, 將來你也可能遇到同一命運, 因為那不該愛的人其實不懂處理自己的感情, 什麼人都愛, 其實什麼人都不愛。把自己的心押在這種人身上, 值得嗎?

世上可能有相逢恨晚, 最匹配的或者原是你們, 但可以解決一件事再一件事嗎? 先跟感情冷淡了的那一位處理好關係, 再跟另一位開始。別左手拖著一個, 右手又牽著另一個。如果連自己的感情都不能好好處理的人, 怎能期望他能給你幸福?

而且在這世上值得愛的人, 只有他嗎? 為什麼是chosen man? 因為你被他的細心體貼吸引? 因為他有著single man沒有的安全感? 因為他較單身男子明白女人? 或者你本來無意衝進別人的感情, 或者你只是出於欣賞, 但其實跟chosen man相處是需要智慧的, 正因為他有另一半, 所以他們易較單身男子明白女生的需要, 也較易相處, 稍一不慎的話, 便容易投放錯誤的感情。看真一點, 也許那只是欣賞, 也許那只是寂寞而已。

再好的男人--無論是chosen man抑或single man--只是生活的partner, 不代表有了另一半, 就不再寂寞, 因為只看到自己, 看不到別人的人, 即使他擁有絕頂的另一半, 他還是會寂寞的。

-----

同場加映：Q師傅信箱

Q師傅：

今年20歲，同咗一個大我十幾年嘅人一齊，我哋一齊做嘢，識咗無幾耐，我對佢都幾有好感。有一晚玩完，佢錫咗我一啖，當我都想同佢一齊時，佢先同我講佢有女朋友，仲一齊左幾年。佢就問靜靜雞同佢一齊好無？我諗咗好耐，最後答應咗。

開始無幾耐就發生咗關係，每一次見面時佢都對我好好，咩都就哂我，都算幸福。佢同女朋友一星期先會見面一次，佢咗每一次見面我都擔心佢會唔會唔再要我。過左一排，佢就同我講唔再一齊，佢話怕我同佢到最後無結果，怕浪費我時間，唔想害咗我。佢知我唔捨得，所以最後都係無事，無分手，仲係對我好好，但係到前幾日，佢無端端唔聽我電話，到第2日問番佢，佢就話唔想再一齊，要結婚了，所以唔想再害我。

雖然我曾經講過我唔會做第3者，但係原來人到咗嗰一刻係會失去理智的，我唔捨得，我唔想無咗佢。我想佢好似以前咁咁錫我，對我咁好，我自知自己並唔係真係咁愛佢，雖然只係一齊咗一個月左右，但係就真係好唔捨得......我唔知而家應該點，我唔想再破壞人哋，想放手，但係我又真係唔捨得......我唔知點好？

囡囡 上

------

親愛的囡囡：

每次分手都會面對傷痛，總有很多捨不得，但當你細心去想時，叫你不捨的是這個人，還是那些親密被愛的感覺？

(按此閱讀全文)