Kathy點頭笑了笑：「By the way，我訂左機票去上海，同佢地傾埋下年年頭個project既細節。廿三號放工後飛，廿八號先返黎。果幾日香港應該冇乜野做，個schedule冇問題嘛？」
「冇問題啦…」對於身邊幾個management同事出trip的時間，我一向都冇乜意見：「你地話得ok，我邊次話唔ok架？」
咦，咪住。
「Kathy，你呢個schedule，咪即係要響上海過聖誕？」我問。
「係呀，咁咪好囉，慳返d時間。」Kathy一貫淡定：「上面聖誕節唔放假丫嘛。」
「我夠知上面冇假放啦…」我搖了搖頭：「我講緊你呀。有冇需要咁搏呀？話晒X'mas，去玩又好去搵下朋友又好啦，我唔想公司蠶食你既私人生活喎。」
「有乜所謂？」Kathy嘆了口氣：「反正我一個人之嘛。去到呢把年紀，X'mas呢d節日，對我地唔係咁重要架啦。」
oops，Kathy其實仲要比我年輕少少，之但係，我去到「呢把年紀」，我仍然覺得，呢d大節日對我好重要。特別係我家光頭仔出世之後，呢d大時大節，你要我返工，我打死都唔制。
至於仍然單身既Kathy，可能有另一種諗法掛。
老實講，我查實到依家都唔係好明，Kathy點解會係單身既。Kathy黎左我公司做既第一個好處係，帶左「名氣」俾我間公司仔。行家、supplier 見過Kathy真人之後，「CK間公司請左個靚女GM」既傳聞就極速響行家裡面傳開。有冇因為咁而令公司多到生意我就唔敢講，不過「靚女GM」個朵，響業內還是幾響既。
Kathy個人，老實講其實亦唔難相處。未識佢之前覺得佢比較cool，但係識落，查實佢都幾nice既。當日我曾經擔心，佢比較cool既外表同作風， 會令佢同同事相處有問題，但係日子耐左，反而發覺剛剛相反。佢有d「大家姐」性格，好多時候佢會好攬自己下屬，試過好幾次因為咁同我嘈添。同事們覺得呢個 阿頭係「義氣仔女」，相處亦變得融洽。
反而最大鑊既，係Kathy其實周身病痛。據講係之前份工太過辛苦而捱壞左身子。well，事實上，同Kathy相處左近兩年，我成日用「冇brake」 去形容佢份人。工作開始左，根本就唔會停落黎，不斷地「透支」自己既體能。oh please，我唔想有同事會響我公司裡面殉職。
好彩佢唔係用同一個standard去要求佢班手下。
我從來都唔敢問佢有關佢感情既生活，或者以前係咪遇過d乜野唔開心既經歷，令到佢變成今日既Kathy。事必總有因，每一個工作狂背後總有一點小故事。
一個人在上海過聖誕，似乎係Kathy堅定不移既決定。單身既靚女GM，對我呢個市儈既老闆黎講，可能係最好既伙計樣版。
祝大家有個愉快既週末。
*****
當身邊好友興奮地談著怎樣過聖誕節，該買什麼禮物時，我總是提不起勁，感受不到那份普天同興的歡樂。未必因為我還是單身，而是為聖誕節變成消費節而感到納悶，彷彿快樂是要透過消費去堆砌／谷出來，令人感到很累。沒有消費，沒有禮物，還會快樂嗎？聖誕節，為什麼要快樂？以前我認為要有另一半的聖誕節才值得快樂，但看來並不一定，而且這節日值得快樂的原因，也許遠超有沒有另一半。那到底是什麼？這是我今年想得到的的答案。
*****
忽然電影介紹：「聖誕快樂」
雖然我還未看過這電影，但曾在租片舖中見過它，被它的故事吸引，在網上搜尋了一些資料：『這是根據真實歷史改編的一個故事，內容講述1914年的平安夜，在法國北部的一個戰區裡，英國（正確來說應該是蘇格蘭）、德國及法國三方軍隊如何打破隔膜，一同慶祝聖誕節。』
詳細內容（內含劇透）
今年看看這電影也不錯吧！哈哈！
一個人又好，兩個人都好，小妹在此預祝各位有一個美滿快樂的聖誕節。
No comments:
Post a Comment