自"交叉扑"推出後，友人都唔多明白何謂"交叉扑"，特此解釋一番：
簡而言之，"交叉扑"者即是交換日記，乃我跟朋友就同一題材，各自表述，然後互相post在對方的blog內(即你睇到的呢篇文不是我寫啊)，希望發掘討論新角度。失禮失禮 ！
*****
交叉扑原文：
大部分的人都會喜歡朱古力，據資料顯示，朱古力內的成份會令人有開心的感覺。但相信十個人當中，十個都不願意終日食朱古力作主要食量到永遠，因為自己承擔不起朱古力長遠所帶來的風險及影響──致肥。
友人曾說：「靚仔/靚女只是eye candy」，間中望下的確很賞心悅目，但要長遠在一起，甚至要過人世就可能是另一回事了。最大的可能性就是一句源遠流長的一句話：「靚仔/靚女無本心」，這句話影響著你我他對靚仔靚女的感覺。對好些人而言，靚仔/靚女，就如周敦頤的《愛蓮說》中所提到的蓮花──「可遠觀而不可褻玩焉」。靚仔/靚女，賞心悅目也，做男女朋友，簡直一流。但若不知死嘗試同靚仔/靚女去發展成情侶，感覺可能就像用自己隻手緊緊的握著玫瑰花的莖上，被莖上的刺弄得滿手鮮血。但到底是誰的錯呢？
「靚仔/靚女是花心的」，「與他們交往你只會弄到焦頭爛額」，這等說話，相信大家在不同的場合及圈子內都曾聽過，但「靚」只是人可以用作花心的其中一個籌碼，但不一定會用得著，而花心的人，亦不一定因為他手上有這個籌碼，身邊亦不乏這類的例子，單憑「口甜舌滑」、「特別專長」．．．等，就能讓自己活在別人的追捧當中。真正「無本心」的，未必是因為他們是靚仔/靚女，而可能是其他原因。Be fair to them，我亦見過有靚仔/靚女，在外間不睇好的情況下忠於自己的感情。他們可以同我地一樣，追求天長地久的戀愛。其實靚仔靚女與你我他一樣，都有權去愛得轟烈，戀一生一世的愛，而他們因為天賦本錢──靚樣，而擁有的一個籌碼，也未必會用得上。
他們大抵也只是一個多擁一張漂亮外表的平凡人吧！
我寫的另一扑：http://hk.myblog.yahoo.com/henchow/article?mid=1055
No comments:
Post a Comment